هنأت الفنانة الكبيرة شهيرة، الإعلامية آيات أباظة، زوجة نجلها السيناريست عمرو محمود ياسين، بعيد ميلادها، الذي يأتي بعد تعرض آيات لأزمة صحية قوية خلال الأشهر الماضية.

شهيرة تهنئ آيات أباظة بعيد ميلادها

وشاركت شهيرة عبر حسابها الشخصي على فيسبوك، صورة جمعتها بـ آيات أباظة، وكتبت : “بنوتي الحلوة المؤدبة المحترمة .. كل سنة وانتي طيبة وبخير دايمًا .. قلبي كان معاكي على طول في أيامك الصعبة .. ودعواتي كانت لا تنقطع .. والحمدلله عدت علي خير وكنتي أدها قوية وراضية ومحتسبة .. لذلك ربنا رضاكي ورضانا إحنا كمان .. يا رب العمر كله بصحة وسلامة ونجاح دايما يا رب .. بحبك وعقبال 100 سنة”.

آيات أباظة تحتفل بعيد ميلادها

وكانت قد أعربت آيات أباظة، عن سعادتها العارمة بعيد ميلادها هذا العام، لأنه يأتي بعد فترة تعب 8 أشهر على التوالي، وذلك من خلال منشورًا عبر حسابها الشخصي على فيسبوك.

وشاركت أباظة فيديو احتوى على تهانئ من محبيها بعيد ميلادها، وكتبت : “بقالي 8 شهور بمر بأصعب حاجة في حياتي .. مكنتش أتخيل إني ممكن أمر بيها .. أصعب اختبار .. رحلة بالنسبة لي طويلة أوي .. ويارب تكمل على خير .. أهم حاجة شوفتها طول الرحلة دي حب الناس .. والله والله مافيش حاجة في الدنيا أهم من حب الناس .. الفيديو ده أول فرحة فرحتها من 8 شهور .. أنا بشكر أهلي وزمايلي وأصحابي وجوزي وولادي ربنا يخليكم ليا .. أنتم اللي كنتم بتقوني وبتشجعوني .. أنا من غيركم مكنتش عرفت أقاوم وأكمل”.

نجل آيات أباظة يوجه لها رسالة في عيد ميلادها

في سياق متصل، قد نشر الفنان محمود ياسين جونيور فيديو عبر حسابه الشخصي على فيس بوك كذلك، يحتوي على صوره مع والدته الإعلامية آيات أباظة، معبرًا عن حبه الشديد لها .

وكتب محمود ياسين جونيور : “يا حبيبتي يا أقوى وأحسن ست في الدنيا .. سنة بجد صعبة ووحشة أن نشوف أهم وأحلى حد في حياتنا في الموقف ده .. كل حاجة وحشة وانتي تعبانة .. كل حاجة ملهاش طعم .. البيت وانتي في المستشفى بجد مكنتش بحب أدخله”.

وأكمل : “ربنا يخليكي لينا وفي كل تفصيلة في حياتنا .. اللي ملهاش طعم طول مأنتي مش مبسوطة .. اختبار صعب بس انتي كنتي قده علشان انتي أقوى ست في الدنيا .. بحبك يا أحلى أم وأقرب حد ليا .. وإن شاء اللّٰه متشوفيش سنة كدة تاني .. وكل اللي جاي فرحة وسعادة يارب كل سنة وانتي أحلى حاجة في حياتنا”.