كتب: محمد صلاح
خرج حسام حسن، المدير الفني لمنتخب مصر، لتوضيح حقيقة تصريحاته الأخيرة بشأن محمد الشناوي، حارس مرمى الأهلي، والتي أثارت جدلًا واسعًا خلال الفترة الماضية.
وقال حسام حسن إن حديثه عن إصابة الشناوي كان يقصد به واقعة سابقة، موضحًا: «الشناوي كان عنده إصابة في كتفه، وأنا لما اتكلمت قلت كان، كان فعل ماضي، والناس كلها عارفة النحو في العربي».
وأضاف: «أنا بقول كان، زي ما إمام كان عنده إصابة، لكن الشناوي لاعب مهم جدًا، ومن اللعيبة اللي أدت وأخلصت، وعدم وجوده من الناحية الفنية ميقللش منه، لأننا بنثق في كل الحراس الموجودين».
وتابع المدير الفني لمنتخب مصر: «فيه ناس حبت تعمل أزمة عشان شافوا إننا راجعين فرحانين على كلمة كان، قصدي بيها إن الشناوي كان عنده إصابة في الماضي في الكتف».
وأوضح حسام حسن أن الشناوي، عقب عودته إلى الأهلي، واجه منافسة من حراس آخرين، مؤكدًا أن أهمية اللاعب دفعت الجهاز الفني إلى الحرص على عودته لمستواه.
وقال: «لما رجع النادي كان بيعتمد على حراس تانية، لكن لأهمية الشناوي الجهاز كله كان حريص على إنه يرجع للحالة بتاعته».
واختتم حسام حسن حديثه قائلًا: «الكلمة اللي قلتها كلمة كان، زي ما حد يبقى سايق عربية فيقول العربية دي عطلت قبل كده لكن مش عطلانة دلوقتي، وفي النهاية الأعمال بالنيات».
