صرح المطرب المصري الشاب محمود عثمان عن سعادته بنجاح أغنيته الجديدة بعنوان «ماتقول»، التي قام بطرحها منذ أيام قليلة، وذلك عبر موقع الفيديوهات العالمي «يوتيوب» وجميع المنصات الموسيقية.

«ماتقول» أغنية ذات طابع رومانسي صيفي، وهي من كلمات أدهم معتز، وألحان تيام علي، توزبع وميكس وماستر مؤمن ياسر، جيتار محمد مغربي، فوتوغرافر أحمد سامي، فيديو جون مكرم، توزيع رقمي Into Media Music.

تقول كلمات أغنية «ماتقول» :

أكتر من كل اللي قالوا لك من قبلي كلام

أنا حبي ف قلبي شايلهولك ولا ف الأحلام

اطلب نجم السما اجبهولك هنا ملك ايديك

شوف نفسك إيه و اعملهولك م الليلة انا ليك

يا حبيبي مين عندي زيك مين ده انت حب سنين عيشت بتمناه

ولا قبلك فيه ولا بعدك فيه ده اللي بحلم بيه كله فيك بلقااااه

ما تقول لو كنت ساحرلي قول ماهو برضه مش معقول إن انت دايماً شاغلني كده علي طول

ما تقول جبت الجمال ده منين ياللي انت مالي العين مفيش ف قلبي انا أي ناس تانيين

أكتر م اللي انت بتتمنى هدّيك أضعاف

هتحس معايا انها جنة ولا يوم هتخاف

أنا نفسي الأيام تستنى و افضل وياك

و نعيش ف زمانهم و زماننّا يا حبيبي معااااك

يا حبيبي مين عندي زيك مين ده انت حب سنين عيشت بتمناه

ولا قبلك فيه ولا بعدك فيه ده اللي بحلم بيه كله فيك بلقاه

ما تقول لو كنت ساحرلي قول ماهو برضه مش معقول إن انت دايماً شاغلني كده علي طول

ما تقول جبت الجمال ده منين ياللي انت مالي العين مفيش ف قلبي انا أي ناس تانيين

ويذكر أن المطرب محمود عثمان قد طرح عدة أغاني حققت نجاحآ كبيرآ ونالت إعجاب الجمهور وهم: «براحته وبشوقه» من كلمات أحمد عوض، وألحان أحمد عوض، توزيع وميكس وماستر كريم عبد الوهاب، و«مش صدفة» من كلمات إسلام عشري، وألحان أحمد حافظ، توزيع سيكا، ميكس وماستر ماهر صلاح.

وطرح أيضاً «لِم الدور» من كلمات مصطفى ناصر، وألحان تيام علي، توزيع هشام محمد، ميكس وماستر ماهر صلاح، و«نسيتني إزاي» من كلمات عبد الفتاح محمد، وألحان عمر حمدي، توزيع محمد مزيكا، ميكس وماستر بيدو.