كتبت : دعاء عادل

أوضح نبيل عماد “دونجا” نجم خط وسط نادي الزمالك كواليس مشادته مع “إمام عاشور” لاعب وسط النادي الأهلي في بطولة السوبر الإفريقي، مشيرًا إلي أن عاشور يبحث عن اللقطة فقط.

وكانت بطولة السوبر الإفريقي التي أقيمت في المملكة العربية السعودية بين الزمالك والأهلي تشهد توتراً بين الاعبين خاصة بين “دونجا” و “إمام عاشور” بعد إحتساب ركلة الجزاء للأهلي في الشوط الأول.

وعن ما حدث بينه وبين إمام عاشور في الكواليس؟، قال  ”دونجا” :” بعد إحتساب ركلة الجزاء إللي تم إحتسابها للأهلي كان فيه إعتراض من لاعبي الزمالك وجه عاشور يكلمني قولته متتكلمش معايا الحكم هيروح يشوفها في الفار”.

مستكملاً :” إمام غلط فيا وشتمني بأهلي، ودا كان رد فعلي عشان أنا مش بسمح لحد يغلط في أهلي .. إحنا زمايل في الملعب عادي مكناش صحاب أوي ومكنش فيه أي مشاكل قديمة قبل كدا”.

مضيفاً  ”دونجا”  : ” بقوله إحنا بنلعب كورة ركز في الملعب بس وخليك جامد في الملعب واكسب ومعنديش مانع إنك تكسب كورة”.

متابعاً :” لكن إنت جاي المعلب عشان تركز في اللقطة، وتاخد اللقطة والصورة عشان تنزل الصورة بعد الماتش وتنزل عليها تعليق معين .. بمعني أصح إنت جاي الماتش عشان تطلع تريند، إحنا مش ممثلين إحنا لاعيبة كورة ”

خاتماً “وأنا والله العظيم لم اسئ ليه هو إللي غلط فيا الأول”