كتبت: سلوى وليد
شهدت الحلقة الثامنة من مسلسل عين سحرية مشهد مواجهة قوي بين ذكي (باسم سمرة) وعادل (عصام عمر)، بعد أن صور عادل فيديو لشهاب الصفطاوي (محمد علاء) ومريم (ولاء شريف) وهما يتحدثان عن شيء خطير قد يودي بهما إلى الهاوية.
بمجرد أن أرسل عادل الفيديو لذكي، اقترح التبليغ عنه فوراً، لكن ذكي رفض بشدة قائلاً: “مش ده اللي عايزه، مش ده اللي يوقعه، ده عقر لازم ضربة قاضية، يا يخرج منها ويقضي علينا إحنا”.
عادل طلب مقابلة ذكي ليفهم سبب رفضه، ليفاجئه ذكي بزيارة منزل العائلة في يوم عيد ميلاد والدة عادل (سما إبراهيم) ، هناك شرح ذكي وجهة نظره: “شهاب ده محامي كبير أوي وفيه مليون حاجة مخبيها، مش ده اللي يوقعه” فرد عادل بتساؤل حاد: “انت خايف؟ هو ده اللي بيراقبك؟ قولي فيه إيه” رد ذكي بهدوء: “هحكيلك بعدين”.
لكن الأحداث تسارعت بشكل مفاجئ، حيث تعبت والدة عادل ودخلت المستشفى. هنا انفجر عادل غاضباً في وجه ذكي: “يبقى ملكش دعوة، هسلم الفيديوهات دي، أنا محتاج فلوس عشان أعالج أمي وأصرف على البيت” رد ذكي: “أنا رقابتي سدادة” فانفعل عادل أكثر: “انت بتجبي عليا يا عم ذكي؟ أنا معايا فلوس” فرد ذكي بغضب: “انت زي ابني يا عادل”. ليرد عادل بجملة قاسية: “أنا مش ابنك”.
ذكي زعل بشدة وقال: “ماشي، مش هنمشيها أب وابنه، هنمشيها مصالح، والفيديو ده يخصني وأنا هديك حقه” ثم ساب عادل ومشى، ليترك المشهد مفتوحاً على تساؤلات حول مستقبل تحالفهما.
