كتبت:سلوي وليد
جملة قالتها دكتورة بسمة “فاتن سعيد” في الحلقة الرابعة من عين سحرية، لكنها كانت مفتاح كل المواجهات اللي حصلت بعدها.
الحلقة افتتحت بصدام مباشر بين زكي (باسم سمرة) وعادل (عصام عمر) بعد ما عادل ورّط المحامي بزرع مخدرات في مكتبه والإبلاغ عنه “أنا وديتك في غويشة… إنت ملبسني تهمة؟” مواجهة كشفت إن اللعبة بقت شخصية، وإن “دي زي دي” فعلاً.
وفي مشهد إنساني نادر، اعترف ذكي لبسمة بخوفه من الوحدة، وإن كل اللي بيقرب منهم بيمشي… يمكن لأنه مش شايفهم زي ما هما.
على الجانب الآخر، تصاعد خط الحج ضيا صاحب “الفخامة”، بعد ما حاول يضغط على عادل عن طريق صاحبه، قبل ما تنقلب الطاولة بتسليم فيديوهات للشرطة، وإغلاق فروعه وحبسه ، المفارقة إن ذكي نفسه هو اللي مشّى الخطة بحرفية، وسط ضحكة مشتركة بينه وبين عادل على “العدالة” بطريقتهم الخاصة.
الحلقة كشفت إن عادل بدأ يتبنى أسلوب ذكي… حتى في انتقامه من صاحب المصنع اللي طرد والدته، مكررًا نفس معادلة الابتزاز تحت شعار “لو جيت في السالك مكنتش غرّمت”.
النهاية جاءت مقلقة؛ عادل يفتح دولابه، يبحث عن شيء اختفى… وملامحه تقول إن الخطر لسه مخلصش.
