علق الفنان عمرو وهبة على المنشورات المتدالة بشأن عدد اللاعبين المحترفين بالمنتخبات الإفريقية والعربية.
وكتب وهبة في منشور عبر حسابه بموقع التواصل الاجتماعي «فيسبوك»: «بالمناسبة يا جماعة عشان ناس كتير من امبارح بتتكلم عن المحترفين وعدد المحترفين فى المنتخب».
وتابع: «فكرة إن منتخبات افريقيه قويه زي نيجيريا، السنغال، غانا، المغرب والجزائر ناجحة عشان عندها سيستم محلي قوي ونظام احتراف عالي دي فكرة مش صح قوي
وأضاف: «الحقيقة إن أغلب اللعيبة الجامده اللي شايفينهم في المنتخبات دي ما اتعلموش الكورة في بلادهم أصلاً وفيه ناس كتير منهم شافو بلادهم الاصليه فيديو عشان اتولدوا في أوروبا أو سافروا وهم صغيرين أو أهاليهم مهاجرين من الأساس فاتربّوا في بلاد زى فرنسا، بلجيكا، هولندا وإسبانيا ودخلوا أكاديميات أوروبية وتكوّنوا هناك، مش طالعين من الدوري المحلي يعنى»
وواصل: «وفيه كمان لاعيبة كتير لعبوا منتخبات شباب أوروبية وبعدين لما المنافسة بقت أصعب ومعرفش يلعب فى المنتخب الكبير اختاروا يلعبوا لمنتخب بلد الأصل يعنى السبب مش عبقرية وسيستم محلي قد ما هو ظروف اجتماعية واقتصادية وميمنعش برده ان بلاد زى المغرب والجزائر بالتحديد عندهم كشافين شاطرين جدًا في متابعة المواهب الموجوده في أوروبا.. انا مش عارف انا فين من قهوه فايق والله
